Vir Sy Begrafnis Gesalf

 Johannes 12:1-18

Terwyl ons vandag Palmsondag vier, gaan ons die allerheiligste tyd van Kerk se jaar in. En vandag hoor ons die verhaal uit die Evangelie van die Heilige Johannes van hoe Jesus deur die Heilige Maria van Betanië gesalf is.

Gister, op Lasarussaterdag, het ons gedenk hoe Jesus Christus Lasarus uit die dood opgewek het, en so vir ons ‘n voorsmaak van sy eie Opstanding gegee het. Vandag se Evangelielesing plaas ons weer in Betanië, waarheen Christus gegaan het om Maria en Martha en Lasarus te besoek. En daar word vir ons vertel dat Maria ‘n fles baie kosbare nardussalf gebring het, dit op Jesus se voete uitgegiet en met haar hare afgevee het, tot ergernis van Judas Iskariot, wat dit as ‘n vermorsing van geld beskou het.Anointment of Jesus feet

Die Kerk gee ons hierdie lesing waar ons Heilige Week ingaan, want, soos Christus Self sê, salf Maria Hom vir sy begrafnis. Haar handeling is ‘n profetiese gebaar wat ons toon Wie Hy eintlik is en voorspel die dood wat Hy op die punt staan om te ondergaan.

Maar dit is ook ‘n handeling wat die tere toewyding openbaar wat Christus in sy volgelinge uitlok. Deur sy voete met kosbare salf te salf, het Maria vir Christus die mees kosbare ding wat sy gehad het, gegee. Sy het eintlik haar hele lewe voor Hom uitgestort. Waar ons Heilige Week ingaan, roep hierdie Evangelielesing ons op om ons hele lewe na Christus te bring, en sy lyding en dood toe te laat om ons in die diepte van ons harte te raak, sodat ook ons met ons hele lewe op Hom sal kan reageer.

Wanneer jy hierdie Liggaam, dit wil sê dit Kerk, liefhet, bring water vir Sy voete en soen Sy voete, deur nie net hulle wat in die sonde verstrik geraak het te vergewe nie, maar gee hulle deur jou genade ‘n gevoel van tuishoort en stel hulle gerus. Giet salf oor Sy voete sodat die hele huis waarin Christus by die tafel aansit deur die geur van jou salf gevul mag word. Met ander woorde, vereer die geringstes.

Die Heilige Ambrosius van Milaan.

Uitreksel uit Evangelion, ‘n Bulletin van die Ortodoks-Christelike Geloof 9 April 2016

Advertisements

Lewer kommentaar

Filed under Uncategorized

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s