My Here en my God!

Vandag, die eerste Sondag van Pasga, staan bekend as Thomassondag, want ons hoor nou hoe Jesus Christus aan die apostel Thomas verskyn  en ons geloof versterk het,

Die Heilige Johannes vertel vir ons dat Jesus Christus na die die Opstanding aan die apostels verskyn het en hulle sending bevestig het deur die Heilige Gees oor hulle te blaas. Die Heilige Thomas was egter nie by hierdie geleentheid saam met hulle nie, en hy het volgehou dat hy nie sou glo nie tensy Christus ook aan hom verskyn. En agt dae na die Opstanding het Jesus Christus na hom gekom. Oorweldig deur geloof het Thomas uitgeroep: “My Here en my God.”Thomas

Daar word soms na die Heilige Thomas verwys as die ongelowige Thomas, tog toon vandag se Evangelielesing vir ons sy diepe geloof wat hom sou lei om die Evangelie in veraf lande te verkondig. Hy was egter nie tevrede om dinge eenvoudig op grond van hoor-sê te aanvaar, of om aan goed toe te gee bloot om ander tevrede te stel nie. Hy het gesien dat geloof eg moes wees, en hy moes dus deur ‘n proses gaan wat uitgeloop het op sy ontmoeting met die Verrese Heer.

Soos die Heilige Thomas, ervaar ons ook miskien tye waar dit vir ons moeilik is om te glo, of is dit miskien moeilik om iets te aanvaar bloot omdat ander mense so sê. Vandag se Evangelielesing toon egter vir ons dat ons tot geloof kom nie bloot deur redelike denke, of deur bloot die getuienis van ander te aanvaar nie. Ons moet self die Verrese Christus in ons lewens teenkom, want dit is in die ontmoeting met Hom dat ook ons deur die werklikheid van sy teenwoordigheid oorweldig sal word. En ons ontmoet hom in ‘n voortdurende lewe van gebed – deur te luister na die Evangelie en deur deel te neem aan die sakramentele lewe van die Kerk, deur ons vir Hom oop te stel sodat Hy ‘n al hoe groter werklikheid vir ons word.

Dit was nie per ongeluk dat daardie spesifieke dissipel nie teenwoordig was nie. Die goddelike genade het bestem dat ‘n twyfelende dissipel, deur die vleeslike wonde in sy Meester te betas, die wonde van ongeloof in ons kan heel. Die ongeloof van Thomas is nuttiger vir ons geloof as die geloof van die ander dissipels. Want die aanraking waardeur hy gebring is om te glo, bevestig ons denke in die geloof, bo alle twyfel.

Die Heilige Gregorios Dialogos

Uittreksel uit Evangelion, ‘n Bulletin van die Ortodoks-Christelike Geloof 23 April 2017

Advertisements

Lewer kommentaar

Filed under Afrikaans-Ortodoks, Die Bybel, Liturgiese jaar, Ortodokse Kerk

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s